Türk həkimlərin beyin cərrahiyyəsində tətbiq etdiyi yeni cərrahi texnika sayəsində əməliyyatdan sonra meydana gələ biləcək beyin-onurğa beyni mayesinin (Beyin mayesinin) sızmasının böyük ölçüdə qarşısı alındığı bildirilib.

Azmedinfo.az Ankara Universiteti (AU) Tibb Fakültəsi Beyin və Sinir Cərrahiyyəsi şöbəsindən verilən məlumata istinadən yazır ki, aparılan açıq beyin əməliyyatlarından sonra mümkün CSF sızmasına son verən cərrahi üsul Amerika Neyrocərrahiyyə Cərrahları Birliyinin "Neurosurgical Focus" jurnalının fevral sayının üz qabığında yer alıb. Jurnalda dərc olunan araşdırmanın müıllifi Dos. Dr. Onur Özgüraldır.

Bildirilib ki, açıq beyin əməliyyatlarında baş verə biləcək CSF sızması probleminin bütün dünyada neyrocərrahiyyədə ümumi və əhəmiyyətli bir problemdir: "Beyin qişasının tikişi zamanı istifadə etdiyimiz ənənəvi bir texnika var. Bu texnikaya baxmayaraq bəzi xəstələrdə onurğa-beyin mayesinin sızmasını təsbit edirdik".

Xüsusən də beynin arxa hissəsində edilən açıq əməliyyatlar zamanı maye sızması olan xəstələrin olduğunu və bu problemi aradan qaldırmaq üçün klinik olaraq fərqli bir texnika inkişaf etdirildiyi və bəzi xəstələrə tətbiq edildiyi qeyd olunur:

"Bu texnikanın tətbiqindən sonra xəstələrdə heç bir sızma olmadığını aşkar etdik. Beləliklə araşdırmanın texnikasını təqdim etmək üçün dünya ictimaiyyətinə bir məqalə təqdim olundu". 

Hər bir neyrocərrahın tətbiq edə biləcəyi üsul

Qatlama texnikası dediyimiz cərrahi üsul beynin xarici qişasını təmir etmək üçün işlənmiş tikiş texnikasından ibarət cərrahi üsuldur. Biz bunu heç bir əlavə xərc tələb etmədən dünyanın hər yerində əlavə texnologiyadan istifadə edə biləcəyimiz bir üsul olaraq inkişaf etdirdik. 

Serebrospinal mayenin sızması meningitə səbəb ola bilər

Açıq beyin əməliyyatlarından sonra yarana biləcək maye sızması problemini bəzi üsullarla aradan qaldırılır:

"İlk növbədə, kəsik yerində edilən bəzi manipulyasiyalarla bu problemi aradan qaldırmağa çalışırıq. Bəzi xəstələri dərman müalicəsi ilə xəstəxanaya yerləşdirməklə və ya lazım gələrsə, drenaj sistemlərinin köməyi ilə sızıntını azaltmağa və bitirməyə çalışırıq. Bunun əhəmiyyəti odur ki, maye sızması davam edərsə və lazımi şəkildə idarə olunmazsa, bu, həm meningit, həm də xəstənin beyin qişası kimi ciddi fəsadlara səbəb ola bilər.

Əlillik və ölüm riski ilə nəticələnə biləcək bu problemin qarşısını almaq və lazım gəldikdə həll etmək üçün yeni texniki üsulun əhəmiyyətli bir inkişaf olduğuna inanırıq.