Qidaya qarşı dözümsüzlük və allergiya bir çox insanın üzləşdiyi əsas sağlamlıq problemləridir.

Azmedinfo.az xəbər verir ki, qastroenteroloq Gülnar Ağayevanın sözlərinə görə, qidaya qarşı dözümsüzlük bədənin müəyyən bir qidaya və ya tərkib hissəsinə reaksiyasıdır və onun simptomları qarın ağrısı, şişkinlik, qaz ola bilər.

"Bu halda allergiyalar isə immunitet sisteminin həddindən artıq reaksiyasıdır və ciddi nəticələrə, hətta həyat üçün təhlükə yarada bilər", - deyə həkim vurğulayıb.

Bu səbəbdən dözümsüzlüyü və allergiyanı düzgün tanımaq, uyğun analizlərlə diaqnoz qoymaq və qida rasionunu buna uyğun tənzimləmək vacibdir.

Həkim əlavə edib ki, fövqəladə hallara hazır olmaq və yaxın ətrafımızdakı insanları xəbərdar etmək də çox vacibdir: "Sağlam həyat üçün qida dözümsüzlüyü və allergiyadan xəbərdar olaq və ehtiyat tədbirlərimizə əməl edək".