Londonun Kraliça Meri Universitetinin həkimləri “Triple T” adlı minimal invaziv hədəflənmiş termoterapiya sistemini hazırlayıblar. Onların əsas məqsədi yüksək qan təzyiqinin ümumi səbəbi olan ilkin aldosteronizmi qısa müddətdə müalicəsini həyata keçirməkdir.

Azmedinfo.az xəbər verir ki, indiyədək ilkin aldosteronizmin yeganə effektiv müalicəsi ümumi anesteziya altında bir neçə gün xəstəxanada qalma və sonradan uzunmüddətli reabilitasiya ilə böyrəküstü vəzinin cərrahi yolla çıxarılması olub.

Böyrəküstü vəzini bütöv çıxarmadan onun kiçik bir sahəsini selektiv şəkildə məhv etməyə imkan verən “Triple T” cərrahi əməliyyata daha sürətli və təhlükəsiz alternativ kimi dəyərləndirilir. O, molekulyar boya əsaslı diaqnostik vizualizasiyada əldə edilmiş son nailiyyətlət sayəsində ərsəyə gəlib.

Britaniyalı alimlərinin yeni metodikası böyrəküstü vəzin hətta ən kiçik düyünlərini də dəqiq müəyyənləşdirib lokallaşdırmağa imkan verir.