Arizona Universiteti Xərçəng Mərkəzinin (ABŞ) alimləri prostat vəzinin şişlərinin immun nəzarət nöqtəsi inhibitorlarına qarşı həssaslığını artırmağın yolunu kəşf ediblər. Onlar spesifik zülal inhibitorundan istifadə edərək, makrofaqları – şişə qarşı yönəlmiş T-hüceyrələrinin funksiyasına zidd olan, xərçəng hüceyrələrinin canlılığını təmin edən leykositləri yenidən proqramlaşdırıblar.

Azmedinfo.az xəbər verir ki, bu gün qarışıq məqsədyönlü terapiya onkologiya sahəsində perspektivli istiqamət kimi dəyərləndirilir. Araşdırma zamanı bu müalicə üsulu ilk dəfə prostat xərçənginin müalicəsində istifadə olunub.

Tədqiqatın qabaqcıl müəlliflərindən olan Noel Uorfelin dediyinə görə, əldə edilən məlumatlar ümumiyyətlə bu yanaşmanın prostat xərçəngində immunoterapiyanın effektivliyini artıra biləcəyinə əmin edir.

Ümumiyyətlə, immunoterapiya immun sisteminin hücumlarından qaçaraq böyümək və çoxalma qabiliyyəti əldə edən şiş hüceyrələrinin məqsədyönlü identifikasiyası və məhv edilməsini təmin edir. Şiş hüceyrələrinin bu qabiliyyəti T hüceyrələrinə bağlanan və onların şiş hüceyrələrini məhv etməsinə mane olan nəzarət nöqtəsi zülalları vasitəsilə əldə edilir. İmmun nəzarət nöqtəsi inhibitorları bu zülalları bloklayır, immunitet sisteminin şişi məhv etməsinə imkan verir.