İsrail alimləri immun sisteminin daha əvvəl öyrənilməmiş, bədənimizin infeksiyalarla necə mübarizə aparacağına dair düşüncə tərzimizi dəyişən mexanizmini kəşf ediblər.

Azmedinfo.az xəbər verir ki, hüceyrənin lazımsız zülalların “təkrar emalı” ilə məşğul olan hissəsi bakteriyaları öldürən kimyəvi maddələrin bütün arsenalını istehsal edə bilən “gizli rejim”ə malikdir. Burada söhbət proteasomdan – zülalları yeniləri ilə əvəzləmək məqsədilə onları kiçik parçalara ayıran hüceyrə quruluşundan gedir.

Aparılan çoxsaylı təcrübələr göstərib ki, proteasom hüceyrənin bakteriya ilə yoluxduğunu tanıyır və özünün rolunu, quruluşunu dəyişdirir. Köhnə zülalları bakteriyaların xarici qabığını qıra bilən və onları öldürə bilən silahlara çevirməyə başlayır.

Beləliklə, israilli alimlərin kəşf etdiyi yeni mexanizm immunitet sistemində bakterial infeksiyalara qarşı bizi müdafiə etməyə imkan verir. Bu, bədənimizin hər bir hüceyrəsində baş verir və potensial təbii antibiotiklərin bütün sinfini yaradır.

Tədqiqat qrupu bu təbii antibiotiklərin tapılması prosesini “zibil qutusundan dırmanma” adlandırıblar.

Onlar laboratoriya şəraitində böyüyən bakteriyalar, həmçinin pnevmoniya və sepsisli siçanlar üzərində təcrübələr aparıblar. Və nəticələrin bəzi məlum antibiotiklərin nəticələri ilə müqayisə ediblər.

Tədqiqatçılar laboratoriya hüceyrələrini götürüb proteasomları kəsdikdə aşkarlanıb ki, salmonella kimi bakteriyalar tərəfindən infeksiyaya qarşı daha həssas olurlar.