Duke Universitetinin (ABŞ) təkamül antropologiyası və qlobal sağlamlıq professoru Herman Pontzer hamiləliyin normal davam etməsi üçün qadınların doqquz ay davam edən hamiləliyinin bütün dövründə 50-85 min aralığında əlavə kalori istehlak etməli olduğunu vurğulayıb.

Azmedinfo.az xəbər verir ki, bu məlumatı “Life Science” yayıb.

Mikroskopikdən iri məməlilərə qədər 81 növ orqanizmdə çoxalma xüsusiyyətlərini qiymətləndirən Avstraliyanın Monaş Universitetinin alimlərinin araşdırmasına görə, 50 min kaloridən yalnız təxminən 4% hüceyrə bölünməsi yolu ilə dölün böyüməsinə ayrılır. Qalan kalorilər hamiləlik dövründə qadın orqanizminin müxtəlif ehtiyaclarını ödəməyə, məsələn, çəki qazanarkən hərəkəti davam etdirməyə yönəldilir.

Baylor Tibb Kollecinin (ABŞ) pediatriya və qidalanma sahəsinin mütəxəssisləri də daxil olmaqla digər tədqiqatçılar, birinci trimestrdə gündə 90, ikinci trimestrdə 287 və  üçüncüdə 466 kalori əlavə etmək zərurəti ilə 77,675 kaloriyə qədər istehlak edilməli olduğunu göstəriblər.

Penninqton Biotibbi Tədqiqat Mərkəzinin alimləri bütün hamiləlik dövründə 84,700 min əlavə kalori kimi daha əhəmiyyətli bir rəqəm irəli sürüblər. Bununla belə, professor Pontzer vurğulayıb ki, əlavə kalorilərin dəqiq miqdarı gələcək ananın çəkisi, boyu, fiziki fəaliyyət səviyyəsi və metabolik xüsusiyyətləri kimi fərdi xüsusiyyətlərindən asılı olaraq dəyişə bilər.