Myanmada baş verən güclü zəlzələ ölkədəki humanitar böhranı daha da dərinləşdirib. 28 mart 2025-ci il tarixində Myanmanın mərkəzində, xüsusilə Saqainq bölgəsi yaxınlığında 7,7 və 6,4 bal gücündə ardıcıl iki zəlzələ qeydə alınıb. Bu fəlakət nəticəsində 1000-dən çox insan həlak olub, 2000-dən çox insan yaralanıb.

Azmedinfo.az xəbər verir ki, zəlzələ nəticəsində infrastruktur ciddi zərər görüb. Beynəlxalq Qızıl Xaç Komitəsi (ICRC) və digər humanitar təşkilatlar Myanmarın hərbi rəhbərliyi və qonşu ölkələrlə birlikdə sərhədyanı humanitar dəhlizlərin yaradılması üçün danışıqlar aparır. Bu dəhlizlər vasitəsilə təcili yardımların çatdırılması planlaşdırılır.

Hazırda beynəlxalq ictimaiyyətin və humanitar təşkilatların birgə səyləri ilə Myanmar xalqına təcili yardım göstərilməsi üçün tədbirlər görülür. ÜƏP və digər təşkilatlar sahədə fəaliyyət göstərərək, zərərçəkənlərə ərzaq, tibbi yardım və digər zəruri xidmətləri təmin etməyə çalışırlar.