Yeni araşdırmalar göstərir ki, mikroplastiklər, xüsusən də qida qablarında olan mikroplastiklər qan damarlarına zərər verə, ürək-damar xəstəlikləri ilə əlaqəli iltihab və hüceyrə dəyişikliklərinə səbəb ola bilər.

Yemək üçün istifadə etdiyimiz plastik qabların ürəyin zədələnməsi ilə əlaqəsi ola bilərmi?

Azmedinfo.az "Scientific Reports"da dərc olunan məqaləyə istinadən xəbər verir ki, italyan alimlər  mikroplastiklərin – xüsusən də qida qablaşdırmaların – damar hüceyrələrində zərərli dəyişikliklərə səbəb olduunu və  ürək xəstəliyi riskini artırdığını bildirblər.

Tədqiqat nəticəsində məlum olub ki, bu tip plastiklərə məruz qalma qan damarlarını zədələyə bilər və bu da ciddi sağlamlıq problemlərinə səbəb olur.

Mikroplastiklər indi ətraf mühitimizin qaçılmaz hissəsidir. Qablaşdırma, tekstil və sənaye tullantıları tərəfindən buraxılan bu kiçik plastik fraqmentlər insan qanında, ağciyərlərində və hətta ürəyində tapılıb və alimlər onların sağlamlıq potensialı, xüsusilə də ürək-damar sisteminə təsirləri barədə getdikcə daha çox narahat olurlar.

Tədqiqatlar artıq mikroplastikləri oksidləşdirici stress, iltihab və toxuma zədələnməsi ilə əlaqələndirib, lakin onların ürək xəstəliklərində birbaşa rolu aydın deyil.

Tədqiqatçılar bu yaxınlarda cərrahiyyə əməliyyatı keçirən xəstələrin damarlarında mikroplastiklər tapıblar və bu çirkləndiricilərin ateroskleroz və digər damar xəstəliklərinə səbəb ola biləcəyi ilə bağlı narahatlıqları artırıb.