Çinin Harbin Tibb Universiteti və İngiltərənin Krenfild Universiteti tərəfindən aparılan araşdırma nəticəsində məlum olub ki, hava çirkliliyinə uzun müddət məruz qalma depressiya riskini əhəmiyyətli dərəcədə artırır.

Azmedinfo.az "Planet Today" nəşrinə istinadən yazır ki, çirklənmənin depressiyaya təsirini araşdırarkən, araşdırma zehni və fiziki sağlamlıqdakı çatışmazlıqların bu əlaqəni qismən izah etdiyini tapıb.

Tədqiqatçılar ətraf mühitin çirklənməsinin psixi sağlamlığa mənfi təsirlərini daha çox olduğunu vurğulayır. Eyni vaxtda bir neçə hava çirkləndiricisinə məruz qalmaq depressiya riskini daha da artırır. Buna görə də elm adamları xüsusilə kükürd dioksidi kimi zərərli qazları azaltmaq üçün havanın keyfiyyətinə dair daha sərt qaydalara ehtiyac olduğunu iddia edirlər.

Xüsusilə orta və yaşlı şəxslərin bu vəziyyətdən daha çox təsirləndiyi qeyd edilib və ətraf mühitin çirklənməsinə qarşı mübarizədə daha sərt tədbirlərin görülməsinin vacibliyi bildirilib.

Dünyada milyonlarla insanın qeyri-sağlam hava şəraitinə məruz qalması ilə bu araşdırma ətraf mühit və psixi sağlamlıq arasındakı əlaqənin vacibliyini vurğulayır.