Kanadada nadir beş orqan transplantasiyası keçirmiş 35 yaşlı Zaxari Kolton yeni, keyfiyyətcə daha yaxşı həyatına uyğunlaşmağa çalışır. Uzun illər ağır genetik bağırsaq xəstəliyindən əziyyət çəkən Zaxariyə 2023-cü ilin payızında Toronto Ümumi Xəstəxanasında mədə, mədəaltı vəzi, qaraciyər, nazik və yoğun bağırsaq köçürülüb. Bu əməliyyat onun yaşamaq ümidi olub.

Azmedinfo.az sosial-motivasiya yönümlü sağlamlıq hekayəsini siznlə paylaşır:

“Kim düşünərdi ki, bu günə qədər yaşayacağam və hər şey bu qədər yaxşı nəticələnəcək?” – deyə o, əməliyyatdan sonra bildirib. Hazırda onlayn dərslərə qatılır və gələcəkdə qidalanma üzrə ixtisaslaşan farmasevt olmağı planlaşdırır.

Əməliyyatı həyata keçirən həkimlərdən biri, Dr. Mark Kattral bu cür çoxorqan transplantasiyalarının nadir olduğunu və donor orqanlara ehtiyacın azalmadığını bildirib: “Bir çox insan transplantasiyaya qədər yaşaya bilmir.”

Zaxari orqan ianə etmiş ailəyə dərindən minnətdardır: “Həmin insan mənim həyatımı kökündən dəyişdi. İndi bu həyatı mənalı yaşamaq mənim məsuliyyətimdir.”

Aprel ayı Ontarioda “Donor ol” ayı kimi qeyd olunur. Hazırda minlərlə insan həyati vacib orqan transplantasiyası üçün gözləmə siyahısındadır.