"Yeni Klinika" işçilərinin sağlamlığına və təhlükəsizliyinə verdiyi önəmlə qısa zamanda diqqət çəkib.

Azmedinfo.az-a verilən məlumata görə, Klinika, məqsədyönlü əməkdaşlığı nəticəsində sağlam və təhlükəsiz əmək şəraitinin yaradılması sahəsində göstərdiyi uğurlu fəaliyyətə görə sertifikata layiq görülüb.

Bu mühüm nailiyyət "Yeni Klinika"nın iş prinsiplərində insan resurslarına göstərilən hörmətin və işçilərin rifahına verilən önəmin bariz nümunəsidir. Klinikanın rəhbərliyi əməkdaşların təhlükəsiz və komfortlu bir mühitdə çalışması üçün davamlı olaraq səy göstərir.

Əlamətdar uğuru münasibətilə "Yeni Klinika"nı, elcə də səmərəli idarəçiliyi ilə klinikaya bu mühüm sertifikatı qazandıran direktor Barat Yusubovu xüsusi olaraq təbrik edir, gələcək fəaliyyətində yeni zirvələr fəth etməsini arzulayırıq.

Sağlam və təhlükəsiz iş mühiti yaratmaqla göstərdiyiniz bu müsbət addım, digər səhiyyə müəssisələri üçün də örnək təşkil edəcəkdir.