Rusiyalı terapevt və pulmonoloq Marat Fərraxov xəbərdarlıq edib ki, iş vaxtından artıq çalışmaq və gecə növbəsi insan sağlamlığına mənfi təsir göstərə bilər.

Azmedinfo.az "Actualnes"a iastinadən yazır ki, çox vaxt qeyri-müntəzəm iş qrafiki hipertoniya, insult və koroner ürək xəstəliyinin inkişafına səbəb olur.

Qeyri-müntəzəm iş qrafiki ilə, istər əlavə iş, istərsə də gecə növbələri zamanı sirkadiyalı ritm həmişə pozulur, bu da otonom sinir sisteminə və hormonal tarazlığa təsir göstərir.

Marat Fərraxovun sözlərinə görə, gecə növbəsində işləyən işçilər həmişə risk altındadır. Onlara daha çox ciddi ürək-damar xəstəlikləri, metabolik pozğunluqlar və tip 2 diabet diaqnozu qoyulur.

Qeyri-sabit qrafikə görə, yeməklər nizamsızlaşdıqca həzm problemləri yaranır. Gecə növbələri və ya işdən artıq iş narahatlıq, depressiya və emosional tükənməyə səbəb ola bilər.

Həkim əlavə edib ki, əgər yuxu tez-tez pozulursa döş və prostat xərçənginin inkişaf riski də əhəmiyyətli dərəcədə artır.