Böyük Britaniya və Çin Xalq Respublikası alimlərinin apardıqları yeni araşdırmanın nəticələri planetdə içməli suyun vəziyyətinin həyəcanverici olduğunu bildirib.

Azmedinfo.az "ACS ES&T Water" elmi jurnalına istinadən yazır ki, bunlar per- və polifluoroalkil maddələrdir (PFAS). Birləşmələr insan sağlamlığı və ətraf mühit üçün əhəmiyyətli təhlükə yaradan perftorlu üzvi birləşmələrdir.

Mütəxəssislər 15 müxtəlif ölkədən krandan su nümunələrini təhlil ediblər. Nəticələr mütəxəssisləri şoka salıb: 99,9% hallarda PFAS çirkləri aşkar edilib. Tədqiq edilən nümunələrin təxminən 63% -ində bu təhlükəli daxilolmalar rastlanıb. 

PFAS təhlükəlidir, çünki onlar son dərəcə davamlıdırlar və ətraf mühitdə uzun müddət parçalanmırlar. Əksinə, onlar bədəndə toplanır, endokrin sistemin işində nəzərəçarpacaq pozğunluqlara səbəb olur, həmçinin reproduktiv sağlamlığa mənfi təsir göstərir. Bir sıra PFAS komponentləri xərçəngə səbəb olur.

Alimlər qeyd edirlər ki, qaynama bu kimyəvi maddələri çıxarmaq üçün çox az kömək edir. Xüsusi filtrasiya üsulları, xüsusən də aktivləşdirilmiş karbon və ya tərs osmosun istifadəsi daha effektivdir.