Həkim-infeksionist İbrahim Rufullayev ATV kanalına verdiyi müsahibədə zoonoz xəstəliklər — yəni heyvanlardan insanlara keçə bilən infeksiyalar barədə ətraflı məlumat verib.

Azmedinfo.az xəbər verir ki, o, xüsusilə yay aylarında bu xəstəliklərin aktivləşdiyini və insanların ev heyvanları, vəhşi heyvanlar və ya hətta bəzi qida məhsulları vasitəsilə bu infeksiyalara yoluxa biləcəyini vurğulayıb.

Müsahibə zamanı Rufullayev müxtəlif zoonoz xəstəliklərin (brusellyoz, leptospiroz, toksoplazmoz və s.) simptomlarından, diaqnostika metodlarından və profilaktik tədbirlərindən bəhs edib.

Həkim qeyd edib ki, erkən diaqnoz və düzgün müalicə bu xəstəliklərin ağır fəsadlarının qarşısını ala bilər. O, həmçinin vətəndaşlara heyvanlarla təmasda olarkən gigiyenik qaydalara ciddi əməl etməyi, baytarlıq nəzarətindən keçməyən məhsullardan uzaq durmağı tövsiyə edib.

Ətraflı videoda