Türkiyənin Yunus Əmrə Dövlət Xəstəxanasında tətbiq edilən hiperbarik oksigen terapiyası son 1,5 ildə 1266 xəstənin sağlamlığına qovuşmasına kömək edib. Müalicə ilə diabet, radioterapiya, əzilmə və yanma nəticəsində yaranan xroniki yaralar, sümük infeksiyaları, eşitmə itkisi və zəhərlənmə halları müalicə edilə bilər.

Azmedinfo.az "Medimagazin"ə istinadən yazır ki, Yunus Əmrə Dövlət Xəstəxanasında 3 həkim və 10 köməkçi tibb işçisi tərəfindən həyata keçirilən hiperbarik oksigen terapiyasında (HBOT) xəstələrə yüksək təzyiqli mühitdə 2 saat təmiz oksigen verilir.

Əskişəhər, Kütahya, Afyonkarahisar, Biləcik və Uşakdan xəstələri qəbul edən mərkəzdə əsasən diabet, radioterapiya, əzilmə və yanma nəticəsində yaranan xroniki yaralar, sümük infeksiyaları, eşitmə itkisi və zəhərlənmə halları müalicə olunur.

Orta hesabla 1,5-3 ay davam edən sağalma prosesində xəstələr klinikada 30-60 seans müalicə alırlar.

Bildirilib ki, 2024-cü ilin yanvar-2025-ci ilin aprel ayları arasında klinikaya 1266 xəstə gəlib. Klinika bölgədə HBOT xidməti göstərən yeganə mərkəzdir.