30 May dünyada Beynəlxalq Dağınıq Skleroz Günü kimi qeyd olunur.

Azmedinfo.az xəbər verir ki, bu günün məqsədi dağınıq skleroz (DS) xəstəliyinə dair maarifləndirməni artırmaq, xəstələrin səslərini cəmiyyətə çatdırmaq və onlara dəstək göstərməkdir.

Dağınıq skleroz – sinir sisteminin autoimmun xəstəliyidir. Xəstəlik zamanı immun sistem mərkəzi sinir sisteminə hücum edir, bu da müxtəlif nevroloji pozuntulara, hərəkət, görmə və yaddaş problemlərinə səbəb olur. Ən çox 20–40 yaş arası insanlarda rast gəlinir və qadınlarda kişilərə nisbətən daha çox təsbit olunur.

Hazırda DS-in tam müalicəsi mümkün olmasa da, müasir dərman və fizioterapiya metodları sayəsində xəstəliyin gedişi yavaşladılır və həyat keyfiyyəti yaxşılaşdırılır. Beynəlxalq DS Günü həm də bu sahədə elmi tədqiqatlara diqqətin artırılması üçün bir çağırışdır.