Qəzza zolağına endirilən İsrail aviazərbələri nəticəsində son 24 saatda 30-dan çox fələstinli həyatını itirib.

Azmedinfo.az xəbər verir ki, Fələstin anklavının Səhiyyə Nazirliyindən verilən məlumata görə, son bir sutka ərzində Qəzza zolağına 37 nəfərin, o cümlədən əvvəl həlak olan 5 nəfərin cəsədi daxil olub. Eyni zamanda, 136 nəfər yaralı vəziyyətdə xəstəxanalara yerləşdirilib. Nazirlik, dağıntılar altında və küçələrdə hələ də çox sayda qurbanın olduğunu, lakin onlara təcili yardım və mülki müdafiə xidmətlərinin çata bilmədiyini bildirib.

Səhiyyə Nazirliyinin son statistikasına əsasən, bu il martın 18-dən bəri İsrail Müdafiə Qüvvələrinin əməliyyatları 4149-dan çox insanın ölümünə və təxminən 12,5 min insanın yaralanmasına səbəb olub. Fələstin-İsrail münaqişəsinin başlanğıcından etibarən həlak olan fələstinlilərin ümumi sayı 54 min 418-i, yaralıların sayı isə 124 min 190-ı ötüb.