Havaların qeyri-sabit keçməsi səbəbindən respirator xəstəliklərə, o cümlədən hazırda ölkə ərazisində yayılmış mövsümi qrip infeksiyasına yoluxma hallarında artım müşahidə olunur.

Azmedinfo.az-a verilən məlumata görə, Səhiyyə Nazirliyi əhalinin sağlamlığının qorunması və yoluxma hallarının qarşısının alınması məqsədilə xüsusilə risk qrupuna daxil olan şəxslər üçün qarşıdan gələn Qurban bayramı və istirahət günləri ilə bağlı tövsiyələr verib.

Bu mənada kütləvi tədbirlərdə və insanların sıx toplaşdığı məkanlarda tənəffüs yollarını qoruyan fərdi qoruyucu vasitələrdən (tibbi maskalardan) istifadə məsləhət görülür. Eyni zamanda, əl gigiyenasına ciddi riayət edilməli, gündəlik qidalanmada vitaminlərlə zəngin ərzaqlara üstünlük verilməlidir.

Geyim seçimində isə mövsümün deyil, hava şəraitinin nəzərə alınması tövsiyə olunur.

SN hər bir vətəndaşı sağlamlığına xüsusi diqqət və məsuliyyətlə yanaşmağa, həmçinin özünü və ətrafındakıları xəstəliklərdən qorumağa çağırır.