Yaşlılar isti havada bağçada işləməməlidirlər

Yay aylarında istidən yaşlıların səhhətində problemlər yarana bilər.

Azmedinfo.az "Life" portalına istinadən yazır ki, metodoloq həkim Erix Titov təhlükədən necə qorunmağı və xəstələnməməyi izah edib.

"Siz yalnız səhər tezdən və ya axşam bağçada işləməlisiniz. On birdən dördə qədər kölgədə və ya qapalı yerdə olmaq daha yaxşıdır ", - deyə mütəxəssis müsahibəsində vurğulayıb.

O, su balansının vacibliyindən də danışıb. Onun sözlərinə görə, isti havalarda ən azı iki litr maye içmək lazımdır. Qazlı içkilər və spirt yalnız susamaya səbəb olur. Geyimə gəlincə, təbii parçalardan tikilmiş yüngül və boş paltarlar geyinməli, papaq yaddan çıxarılmamalıdır. Mütəxəssis əlavə edib ki, evdə səhər tezdən və axşam otağl havalandırmaq, günəşli saatlarda pəncərələri pərdələmək lazımdır.

Sərin su ilə yuyunun, otaq temperaturunda su için. Əgər baş gicəllənməsi baş verərsə, zəifləyirsinizsə, ürəyiniz bulanırsa, işi dayandırmalı, bir az su içməli, lazım gəldikdə təcili yardım çağırmalısınız.