Novosibirsk cərrahları ürəyində daş şişi olan üç aylıq qızı xilas ediblər. Şiş adi müayinə zamanı aşkar edilib.

Azmedinfo.az "Life" portalına istinadən yazır ki, şikayətlərin olmamasına baxmayaraq, xırda ritm pozğunluqları istisna olmaqla, həkimləribiopsiya aparıblar, bu zaman ürək qəflətən dayanıb.

Həkimlər təcili olaraq körpəni əməliyyat edərək xoşxassəli şişin bir hissəsini çıxarıb və zədələnmiş mədəcikləri bərpa ediblər. Riskləri yüksək olduğundan şişin qalan hissəsinin götürülməməsinə qərar verilib. Mütəxəssislər dərman terapiyasının köməyi ilə onu aradan qaldırmağa ümid edirlər. Qızın vəziyyəti stabilləşib, ürək ritmi normallaşıb, təkrar əməliyyatlar hələ tələb olunmur – heç nə uşağın həyatına təhlükə yaratmır.

"Uşağın həm əməliyyat zamanı, həm də onsuz ölüm ehtimalı eyni dərəcədə yüksək olub. Lakin həkimlər demək olar ki, mümkün olmayanı bacarıblar. Uşaq ürəyi stabil və əlverişli proqnozla evə göndərilib.