Əskişəhərdəki evində ölü tapılan təqaüdçü həkim Mustafa Savan Günayın meyidindən götürülən nümunələr Ədliyyə Tibb Qurumuna göndərilib. Bildirilib ki, Günayın ölüm səbəbi hesabat hazırlandıqdan sonra bəlli olacaq.

Azmedinfo.az "TRT Haber"ə istinadən yazır ki, Tepebaşı mahalı Hoşnudiye məhəlləsində İsmət İnönü-1 küçəsində yaşayan təqaüdçü həkim Mustafa Savan Günayın evinə gələn təmizlik işçiləri heç kim cavab vermədiyini görüb polisə xəbər verir. Xəbər üzərinə ünvana gedən qruplar qapını çilingər tərəfindən açılaraq mənzilə daxil olduqdan sonra Mustafa Savan Günayı yatağında hərəkətsiz vəziyyətdə tapırlar.

Sağlamlıq qrupu Günayın həyatını itirdiyini təyin edir. Günayın cəsədi polis və prokurorun müayinəsindən sonra xəstəxana morquna aparılır. Xəstəxanada aparılan yarılmada ölümü şübhəli sayılan Mustafa Savan Günayın cəsədində kəsici və deşici alət izinə rast gəlinməsə də, götürülən nümunələr Ədliyyə Tibb Qurumuna göndərilir. Təqaüdçü həkim Günayın ölümünün dəqiq səbəbi qurumun hazırlayacağı hesabatdan sonra bəlli olacaq.

"Xərçəngi bitirəcəyəm" bəyanatı

Təqaüdçü həkim Mustafa Sənan Günay may ayında sosial şəbəkədə 25 ildir xərçəngin səbəblərini araşdırdığını bildirərək, "25 ildir xərçəngə səbəb olan şeylərlə mübarizə aparıram. Artıq problemi yüzdə 75 həll etdim, ona görə də Magna Lunaca (qida əlavəsi) təqdim etdim. Kifayət qədər yaşasam, bütün xərçəng növlərini bitirəcəm" yazmışdı.

Ölümündən sonra doktor Günayın sözləri sosial mediada yenidən diqqət çəkib və bir çox açıqlamaları trend mövzusuna çevrilib. İnternet istifadəçiləri Dr. Günayın ölümünün ətraflı araşdırılması lazım olduğunu müdafiə ediblər.

Doktor Günayın ölümü ilə bağlı istintaq davam edir.