Yayda hətta sağlam insanların belə tez-tez baş ağrısı çəkməsi adi hal alır. Bəziləri bunu yorğunluqla, bəziləri isə isti hava və susuz qalmaqla əlaqələndirir.

Azmedinfo.az "Echonedeli"yə istinadən xəbər verir ki, baş ağrısı yayın istisində daha tez-tez müşahidə olunur – səbəbi isə təkcə yorğunluq və susuzluq deyil... Əsas səbəb damar sisteminin yüksək temperatur qarşısında verdiyi reaksiyadır.

Baş ağrısı nədir?
Tibbi dildə bu vəziyyət sefalgiyə adlanır və yetkin insanların böyük əksəriyyətinə tanışdır. Baş ağrısı adətən alın, təpə, gicgah və ya ənsə nahiyəsində hiss olunur. Əgər ağrı boyun və ya üz nahiyəsinə yayılırsa, bu artıq fərqli ağrı növü sayılır.

Yayda təzyiq dəyişkənliyi və maqnit qasırğaları: damarların gərginliyi artır

Atmosfer təzyiqinin dəyişməsi və maqnit qasırğaları damarlar üçün əlavə yük yaradır. Belə hallarda damarlar genişlənir və ya daralır ki, bu da xüsusilə hava şəraitindən asılı olan insanlarda baş ağrısına səbəb olur. Damarlar sanki yelləncək kimi "sallanır" və bu dəyişkənliklər ağrıya əsas verir.

Bundan əlavə, yay aylarında vegetativ damar distoniyası (VDD) adlanan vəziyyət də kəskinləşə bilər. Bu, vegetativ sinir sisteminin qeyri-stabil fəaliyyəti ilə xarakterizə olunur və insanın isti hava və ya hava dəyişkənliyi zamanı tez-tez baş ağrısı yaşamasına səbəb ola bilər.

Yayda damarları necə qorumaq və baş ağrısından necə qaçmaq olar?

Kifayət qədər su için. Yayda orqanizm gündə 2–3 litrədək maye itirir.

Gün altında çox qalmaqdan çəkinin. Xüsusilə saat 11:00-dan 16:00-a qədər kölgədə qalmağa çalışın.

Havaya uyğun geyinin. Açıq rəngli, boş və rahat geyimlərə, həmçinin baş örtüyünə üstünlük verin.

Fiziki fəaliyyəti məhdudlaşdırın. Xüsusilə günorta saatlarında ağır fiziki yüklərdən uzaq durun.

Qidalanmanı izləyin. Kalium və maqneziumla zəngin yüngül qidalar (banan, qoz, ispanaq) qəbul edin.

Baş ağrısını ciddiyə almaq və yay mövsümündə bədəni düzgün qayğı ilə qorumaq vacibdir. Beləliklə, damar sisteminizin yükünü azaltmaq və sağlam qalmaq mümkündür.