Günəş işığının şüşə butulkalara və digər şəffaf əşyalara düşməsi, linza effekti yaradaraq quru otları və yarpaqları alovlandıra bilər. Bu isə kiçik bir diqqətsizliyin böyük meşə yanğınlarına çevrilməsinə səbəb olur.

Azmedinfo.az Ekologiya və Təbii Sərvətlər Nazirliyinin ictimai maarifləndirmə və cəmiyyətin ekoloji məsuliyyətini artırmağa xidmət missiyasına dəstək olur:

Təbiətdə istirahətdən sonra bütün tullantıları, xüsusilə şüşə butulkaları mütləq tullantı konteynerinə atmağı unutma – bu həm təbiəti qorumaq, həm də yanğınların qarşısını almaq deməkdir.

Meşə yanğınları nəticəsində ekosistemlər sıradan çıxır, havanın keyfiyyəti pisləşir və illərlə bərpa olunması çətin olan ərazilər yaranır.


- Təbiətdə olarkən açıq alovdan (məsələn, od qalamaq, manqal yandırmaq) yalnız xüsusi ayrılmış yerlərdə istifadə et və sonda odu tam söndürdüyünə əmin ol.

- Sönməmiş siqaret kötüyünü, kibriti və ya şüşə butulkanı heç vaxt otluq və ya meşə ərazisinə atma. Bu kiçik ehtiyatsızlıq böyük fəlakətə səbəb ola bilər.

Təbiəti qorumaq – gələcəyimizi qorumaqdır.