Bakı şəhərində İsveçrənin IPD – Sülh və Dialoq İnstitutunun təşkilatçılığı və Qan Donorları Assosiasiyasının dəstəyi ilə "Bakı Yay Akademiyası" layihəsi uğurla keçirilib.

Azmedinfo.az verilən məlumata görə, tədbir çərçivəsində iştirakçılar üçün “Beynəlxalq təhlükəsizlik, münaqişələrin həlli və liderlik” mövzularında təlim və müzakirələr təşkil olunub. Akademiyanın əsas məqsədi müxtəlif ölkələrdən olan gənc liderlər və mütəxəssislər arasında dialoq mühiti yaratmaq, eləcə də qlobal təhlükəsizlik çağırışlarına qarşı birgə yanaşmaları təşviq etmək olub.

Layihədə İsveçrə, Almaniya, Meksika, Böyük Britaniya, Filippin, ABŞ, Malta və Azərbaycan da daxil olmaqla 8 ölkədən 30-a yaxın qeyri-hökumət təşkilatının nümayəndəsi, eləcə də səhiyyə, elm və təhsil sahəsində fəaliyyət göstərən tədqiqatçılar iştirak ediblər.

Bu cür təşəbbüslər ölkələr arasında qarşılıqlı anlaşma və əməkdaşlığın möhkəmləndirilməsinə, həmçinin gələcək liderlərin beynəlxalq təcrübə mübadiləsinə imkan yaradır.