Çin Xalq Respublikası Avropa İttifaqında istehsal olunmuş tibbi avadanlıqların ölkəyə gətirilməsinə yeni məhdudiyyətlər tətbiq edib.

Azmedinfo.az xəbər verir ki, bu barədə Çin Maliyyə Nazirliyi rəsmi açıqlama yayıb. Bildirilib ki, yeni qaydalar ümumi dəyəri 45 milyon yuanı (təxminən 5,3 milyon avro) aşan tibbi məhsullara şamil olunur və dərhal qüvvəyə minib.

Qeyd olunub ki, məhdudiyyətlər yalnız birbaşa Avropa İttifaqı ölkələrindən deyil, həm də tərkibində 50 faizdən çox Aİ mənşəli hissələr olan üçüncü ölkələrdə yığılan tibbi texnikaları da əhatə edir.

Bununla yanaşı, Aİ şirkətlərinin bilavasitə Çin ərazisində istehsal etdiyi avadanlıqlar bu məhdudiyyətlərdən kənarda qalır.

Mütəxəssislər hesab edirlər ki, bu qərar Çin ilə Aİ arasında ticarət münasibətlərindəki gərginliyin artmasından və daxili istehsalın təşviqi məqsədindən qaynaqlanır.