Aşağı sidik yolları infeksiyası nədir, necə yaranır və ondan necə qorunmalı?

09 İyul 2025

762

Aşağı sidik yolları infeksiyası nədir, necə yaranır və ondan necə qorunmalı?

Aşağı Sidik yolları infeksiyaları bir çox insanın qarşılaşdığı sağlamlıq problemidir. Bəs bu infeksiyalar nədir və onlardan necə qorunmaq olar?

Azmedinfo.az Akademik Mirməmməd Cavadzadə adına Respublika Kliniki Uroloji Xəstəxanasının ictimaiyyəti maarifləndirmək və insanların sağlam davranışlara təşviqi məqsədilə paylaşımını təqdim edir:

Aşağı Sidik yolları infeksiyası sidik sisteminin (böyrəklər, sidik axarları, sidik kisəsi və sidik kanalı) hər hansı bir hissəsində yaranan infeksiyadır. Ən çox aşağı sidik kisəsi infeksiyası, yəni "sistit" kimi tanınır. Bu infeksiyalar həm kişilərdə, həm də uşaqlarda müşahidə olunsa da, anatomik quruluşa görə qadınlarda daha tez-tez rast gəlinir.

Əsas Simptomlar:

• Sidik ifrazı zamanı yanma və ya ağrı

• Tez-tez və təcili sidiyə getmə istəyi

• Bulanıq, qaranlıq və ya pis qoxulu sidik

• Qarın altı nahiyədə və ya beldə ağrı

• Hərarət və ümumi halsızlıq (xüsusilə infeksiya böyrəklərə yayılarsa)

Necə Qorunmalı?

• Gün ərzində bol su için.

• Sidiyinizi uzun müddət saxlamayın.

• Şəxsi gigiyena qaydalarına riayət edin.

Əgər bu əlamətlərdən hər hansı birini özünüzdə hiss edirsinizsə, vaxt itirmədən peşəkar uroloqlarımızla məsləhətləşin! Klinikamamızda ən müasir diaqnostika üsulları və effektiv müalicə protokolları ilə sizə sağlamlığınızı geri qaytarmağa kömək etməyə hazırıq.

Unutmayın, vaxtında müalicə olunmayan Aşağı Sidik Yolları İnfeksiyaları ciddi sağlamlıq problemlərinə yol aça bilər. Sağlamlığınız sizin əlinizdədir!