Səhiyyə Nazirliyinin K.Y.Fərəcova adına Elmi-Tədqiqat Pediatriya İnstitutu olaraq əsas məqsədimiz körpə və uşaqların sağlamlığının yüksək səviyyədə qorunması, həmçinin müasir tibbi texnologiyaların tətbiqidir.

Azmedinfo.az xəbər verir ki, bu istiqamətdə institutda bir sıra yenilənmiş diaqnostik xidmətlər uğurla həyata keçirilir.

Müasir diaqnostik imkanlar

Bronxoskopiya:
Xroniki öskürək, yad cismin nəfəs yollarına daxil olması, bronxit, bronxial anomaliyalar və digər tənəffüs problemlərinin diaqnozu məqsədilə institutda bronxoskopik müayinələr aparılır.

Qastroskopiya və kolonoskopiya:
Uşaqlarda mədə, onikibarmaq və yoğun bağırsaq xəstəliklərinin erkən aşkarlanması üçün endoskopik müayinələr xüsusi şəraitdə və tam təchiz olunmuş otaqlarda, təcrübəli qastroenteroloq və anestezioloqlar tərəfindən həyata keçirilir.

Kompüter Tomoqrafiyası (KT):
Yüksək texnologiyalı KT cihazı uşaqlarda daxili orqan və sistemlərin strukturunu detallı və sürətli şəkildə dəyərləndirməyə imkan verir.

KT aşağıdakı hallarda istifadə olunur:

Baş beyin, kəllə sümükləri və burunətrafı ciblərin müayinəsi

Qarın boşluğu orqanlarının patologiyalarının aşkarlanması

Döş qəfəsi və onurğa sütununun xəstəliklərinin diaqnostikası

Sümük və oynaqların zədələnmələrinin qiymətləndirilməsi

Travmatik zədələnmələrin aşkarlanması

Bu müayinələr sayəsində:

Diaqnozların dəqiqliyi artır

Xəstəliklər erkən mərhələdə müəyyən edilir

Müalicə daha düzgün planlaşdırılır

Yeni nəsil ultrasəs cihazı:

İnstitutun avadanlıq parkına daxil edilən ekspert sinifli, notebook formatlı ultrasəs cihazı ilə körpələrin ürək, qarın boşluğu, beyindaxili və digər orqanları yüksək dəqiqliklə müayinə olunur.

Dörd fərqli ötürücüsü ilə cihaz xüsusilə yenidoğulmuşlar və azyaşlı uşaqlar üçün nəzərdə tutulub və müayinələr birbaşa xəstə çarpayısı yanında aparılır.

Laboratoriya imkanları

İnstitutun laboratoriya şöbəsində aşağıdakı istiqamətlər üzrə müayinələr icra olunur:

Biokimyəvi müayinələr – 37 adda

Hormon müayinələri – 7 adda

Klinik müayinələr – 9 adda

İnfeksion xəstəliklərə dair testlər – 16 adda

Koaquloqram testləri – 8 adda

Qanın ümumi analizi – 22 parametr üzrə

Qan qazları analizi – 34 parametr üzrə

Texnologiyalar yenilənir, lakin məqsədimiz dəyişmir!