Alimlər minlərlə qadının iştirak etdiyi genişmiqyaslı bir tədqiqat aparıblar. Tədqiqatın məqsədi  qadınlarda xərçəngin inkişafına səbəb olan qanunauyğunluqları müəyyən etmək olub. Əldə olunan nəticələri endokrinoloq Zuxra Pavlova şərh edib.

Azmedinfo.az xəbər verir ki, "МК в Волгограде"nin məlumatına görə, xərçəngin inkişafına əsas səbəblərdən ikisi artıq bədən çəkisi və ürək-damar sistemi xəstəlikləridir. Bu iki amilin birgə mövcudluğu süd vəzi xərçənginə tutulma ehtimalını iki dəfədən çox artırır. Alimlərin sözlərinə görə, bu xəstəlik kombinasiyası hər 100 min nəfərə 153 süd vəzi xərçəngi halında müşahidə olunub.

Endokrinoloq Zuxra Pavlova bildirir ki, mütəmadi tibbi müayinədən keçmək vacibdir. Xüsusilə, 40 yaşdan yuxarı qadınlar üçün mammoqrafiya məcburi prosedur olmalıdır. Mütəxəssis onu da xatırladır ki, süd vəzi xərçəngi kişilərdə də yarana bilər. Buna görə kişilər də profilaktik müayinələri laqeyd yanaşmadan müntəzəm keçməlidirlər.