Yeni Klinikada İcbari Tibbi Sığorta üzrə Dövlət Agentliyinin Xidmətlər Zərfi çərçivəsində daha bir böyrək transplantasiyası uğurla həyata keçirilib.

Azmedinfoi.az xəbər verir ki, bu dəfə əməliyyat 4 ildir xroniki böyrək çatışmazlığından əziyyət çəkən pasiyentə tətbiq olunub. Donor isə onun doğma bacısı olub – ailə bağları bu dəfə həyat xilaskarı rolunu oynayıb.

Əməliyyat yüksək peşəkarlıqla və beynəlxalq standartlara tam uyğun şəkildə icra edilib. Müasir tibbi texnologiyaların və təcrübəli mütəxəssislərin birgə işi nəticəsində pasiyentin vəziyyəti stabildir və müsbət dinamika müşahidə olunur.

Yeni Klinikada bu tip transplantasiyaların sayının artması həm xəstələrə yeni həyat şansı verir, həm də ölkəmizdə yüksək ixtisaslı kadrların fəaliyyətini və səhiyyə sisteminin inkişaf səviyyəsini nümayiş etdirir.