Parazitoloq Yelena Çernışeva bildirib ki, sinegnoz çubuğu (Pseudomonas aeruginosa) adlı bakteriya su vasitəsilə insan orqanizminə daxil olaraq ağır fəsadlara – o cümlədən pnevmoniya, iltihabi proseslər və sepsislə nəticələnən infeksiyalara səbəb ola bilər. Bu bakteriya təkcə təbii su hövzələrində deyil, həm də rütubətli, havasız məkanlarda (vanna otaqları, hovuzlar və s.) çoxala bilər.

Azmedinfo.az "Actual news"a istinadən yazır ki, xüsusilə zəif immun sisteminə malik şəxslər risk altındadır.

Həkim qeyd edib ki, bu bakteriyanın təhlükəli xarakteri belədir ki, qulaqda kəskin ağrı hiss olunur, hematoma yaranır və hərarət 10 gün ərzində düşmür. Araşdırmalar nəticəsində məlum olub ki, bu ağırlaşmalara sinegnoz çubuğu səbəb olub və bəzən eşitmə qabiliyyəti itir.

Həkimlər və mütəxəssislər yay mövsümündə üzmək üçün su hövzəsi seçərkən ehtiyatlı olmağa və şəxsi gigiyena qaydalarına ciddi əməl etməyə çağırırlar. İsti havalarda bu tip bakteriyaların çoxalması və infeksiya riski daha da artır.