İmmunoloq Vladislav Jemçuqov ölümcül təhlükə yaradan meningokok infeksiyasının necə yoluxduğunu izah edib.

Azmedinfo.az "Actualnews"a istinadən yazır ki, onun sözlərinə görə, bu infeksiyanın əsas təhlükəsi vaxtında diaqnostikanın çətinliyidir.

Meningokokksemiya xəstəliyin ağır forması hesab olunur. Bu halda mikrob qana keçərək bədəndə göyərməyə və ya qançırlara bənzəyən səpgilər yaradır. Bu infeksiya ilə heç vaxt rastlaşmamış həkimlər onu allergiya ilə səhv sala bilərlər. Belə olan halda vaxt itirilir. Odur ki, müayinədə temperaturun enməsi, təzyiqin düşməsi, böyrəküstü vəzlərin fəaliyyətinin zəifləməsi və ümumi vəziyyətin pisləşməsi kimi əlamətlərə diqqət yetirmək vacibdir.

“Ən təhlükəli hal, bədənin temperaturu 36 dərəcədən aşağı düşəndə müşahidə olunur. Bu, adətən ölümə bir neçə gün və ya saat qalmış baş verir”, – deyə həkim izah edib.

Bu ilin əvvəlindən bəri 1266 nəfər meningokok infeksiyasına yoluxub. İllik artım 260 faiz təşkil edir. Həkimlər A, B, C tipli generalizə olunmuş halların da artdığını qeyd edirlər. Xəstəliyin iki forması mövcuddur – virus mənşəli və bakterial. Virus forması hava-damcı yolu ilə yayılır.