Uşaqlarda tez-tez rast gəlinən “əl, ayaq, ağız xəstəliyi” koksaki virusu ilə əlaqəlidir.

Azmedinfo.az xəbər verir ki, uşaq sağlamlığı ilə bağlı maarifləndirici açıqlama verən Respublika Pediatriya Mərkəzinin uzman pediatrı Çiçək Vəliyeva bildirib ki, bu infeksiya əsasən 5 yaşadək uşaqlarda müşahidə olunur və virus mənşəli olduğu üçün sürətlə yayılma xüsusiyyətinə malikdir.

Pediatr qeyd edib ki xəstəliyin əsas əlamətləri ağız boşluğunda, əl və ayaqlarda səpgilər, bədən hərarətinin yüksəlməsi, həmçinin iştahanın azalması ilə özünü göstərir: "Bu simptomlara diqqət yetirmək vacibdir, çünki xəstəlik yoluxucudur və xüsusilə uşaq kollektivlərində tez yayılır".

Mütəxəssisin fikrincə, vaxtında diaqnoz qoyulması və uşağın düzgün qulluq altında saxlanılması fəsadların qarşısını almağa imkan verir. Xəstəliyin gedişində uşağın istirahəti, maye qəbulunun artırılması və gigiyena qaydalarına ciddi əməl olunması tövsiyə edilir.

Çiçək Vəliyeva valideynlərə müraciət edərək uşaqların sağlamlığını nəzarətdə saxlamağın, profilaktik tədbirlər görməyin və mütəmadi pediatr müayinələrini laqeyd yanaşmamağın vacibliyini vurğulayıb.