İnfluenza virusu nəfəs yollarını təsir edən və yüksək yoluxuculuq qabiliyyətinə malik olan ciddi bir respirator xəstəlikdir.

Azmedinfo.az xəbər verir ki, həkim-infeksionist Anar Xəlilovun sözlərinə görə, bu virus hər il milyonlarla insanı yoluxduraraq xüsusilə uşaqlar, yaşlılar, hamilələr və xroniki xəstəliyi olan şəxslər üçün ciddi sağlamlıq riskləri yaradır.

Xəstəlik özünü yüksək hərarət, öskürək, boğaz ağrısı, şiddətli baş və əzələ ağrıları, həmçinin ümumi halsızlıqla büruzə verir. Əsasən hava-damcı yolu ilə yayılan bu virusdan qorunmaq üçün peyvəndlənmə, əl gigiyenasına diqqət yetirilməsi və izdihamlı yerlərdən uzaq durmaq həyati əhəmiyyət kəsb edir.

Risk qrupuna daxil olan şəxslərdə influenza ağır fəsadlara səbəb ola bildiyi üçün xəstəliyin ilk əlamətləri yaranan kimi dərhal həkimə müraciət edilməsi mütləqdir.

Unutmaq olmaz ki, evdə mütəxəssis rəyi olmadan özbaşına dərman və xüsusilə antibiotik qəbulu sağalmaq əvəzinə daha ciddi ağırlaşmalara yol aça bilər.