Həkimə müracıət edən xəstə mədəaltı vəzi xərçənginin öd yollarını sıxması nəticəsində yaranan mexaniki sarılıq, qaraciyər sirrozu, portal venanın trombozu və assitdən əziyyət çəkirdi.

Azmedinfo.az xəbər verir ki, belə çətin vəziyyətdə qastroenteroloq, hepatoloq və invaziv endoskopist Dr. Aqil Ağakişiyev ən düzgün müalicə taktikasını tətbiq edib.

"Pasiyentin laxtalanma göstəriciləri ciddi narahatlıq doğurduğu üçün digər ağır müdaxilələr yerinə, məhz ERCP metodu ilə öd yollarını açmaq qərarına gəldik. İcra etdiyimiz uğurlu prosedur zamanı öd yollarına xüsusi metal stent yerləşdirərək tıxanıqlığı tamamilə aradan qaldırdıq və öd axınını yenidən bərpa etdik", - deyə həkim bildirib.

Qastroenteroloq qeyd edib ki, ERCP öd yolları və mədəaltı vəzi kanallarında yaranan problemlərin həm diaqnostikası, həm də müalicəsi üçün tətbiq edilən ən müasir endoskopik üsuldur. Bu üsul minimal invaziv xarakter daşıdığı üçün xəstə travma almır və adətən prosedurdan qısa müddət sonra evə buraxılır.

Həkim sonda vurğulayıb ki, zamanında qoyulan doğru diaqnoz və peşəkar müalicə xəstəni yenidən sağlamlığına qovuşdurur.

Prosedurun necə icra olunduğunu görmək üçün videonu izləyin.