Səhiyyə Nazirliyi və Elmi-Tədqiqat Travmatologiya və Ortopediya İnstitutu, qarlı hava şəraiti və sürüşkən yol şəraiti ilə əlaqədar vətəndaşları ciddi şəkildə ehtiyatlı olmağa çağırır.

Azmedinfo.az xəbər verir ki, fevralın 23-dən etibarən, qar yağışı və buzlanma səbəbindən yollarda təhlükəli şərait yaranıb. Bu şəraitdə yıxılma və zədələnmə halları artıb, xüsusən də sürüşkən yollarda, qarlı sahələrdə və açıq havada diqqətsizlik nəticəsində müxtəlif travmalar baş verir.

Səhiyyə Nazirliyi bu səbəbdən bütün vətəndaşlara daha ehtiyatlı olmalarını, xüsusilə qapalı yerlərdə və təhlükəli ərazilərdə, məsələn, buz tutmuş yollarda, pilləkənlərdə və ictimai yerlərdə diqqətli davranmalarını tövsiyə edir. Həmçinin, sürüşkən sahələrdə mümkün qədər diqqətli addımlar atmaq, hərəkət edərkən sürətinizi aşağı salmaq və qoruyucu əşyalar, məsələn, yağan qarda sürüşməyə qarşı uyğun ayaqqabılar geyinmək vacibdir.

Qarlı hava şəraiti və yollarda buzlanma riskinə görə, daimi hərəkətdə olan şəxslərin, xüsusən də yaşlıların və sağlamlıq problemi olanların, evdən çıxdıqları halda daha diqqətli olmaları tövsiyə olunur. Həmçinin, qarlı və buzlu günlərdə avtomobillər üçün sürüşməyə qarşı zəncirlər və ya xüsusi təkərlərdən istifadə etmək daha təhlükəsiz olar.

Səhiyyə Nazirliyi, bununla yanaşı, xəsarət alan şəxslərin sayının artdığını və əsasən sınıqlar, bilək və sayd nahiyələrində deformasiya, kəskin ağrılar və şişkinlik kimi halların yayılmasını da qeyd edib.