Ağır texnika və kənd sakinlərinin köməyilə səhhəti pisləşən yeniyetməni xəstəxanaya çatdırmaq mümkün olub.

Azmedinfo.az TƏBİB-ə istinadən yazır ki, güclü qarın yağması səbəbindən Lerik rayonunun Loda və Vilik kəndlərinə giriş-çıxışın bağlanması çətin anların yaşanmasına səbəb olub. Halı pisləşən Vilik kənd sakini, 2013-cü il təvəllüdlü yeniyetməni xəstəxanaya çatdırmaq yalnız ağır texnika, kənd sakinləri və kənd icra nümayəndəliyinin köməyilə yolu açdıqdan sonra mümkün olub.

Ötən gün Lənkəran Rayon Mərkəzi Xəstəxanasının Təcili tibbi yardım şöbəsinə hospitalizasiya olunan yeniyetməyə kəskin appendisit diaqnozu təyin edilib və o, dərhal əməliyyata götürülüb. Hazırda pasiyentin vəziyyəti qənaətbəxş qiymətləndirilir. Onun müalicəsi Cərrahiyyə şöbəsində davam etdirilir.

İnsan həyatını xilas etmək adına göstərilən bu mübarizəyə sevinir və yeniyetmənin vaxtında xəstəxanaya çatdırılmasında göstərdikləri dəstəyə görə hər bir kənd sakininə təşəkkür edirik!

Ətraflı videoda: