Müasir tibbin sürətlə inkişaf edən sahələrindən biri olan ürək-damar cərrahiyyəsində daha bir tarixi nailiyyət qeydə alınıb.

Azmedinfo.az xəbər verir ki, Almaniyada fəaliyyət göstərən türk həkim, professor Hüseyn İncə ürəyin trikuspid qapağının dəyişdirilməsini açıq cərrahiyyə olmadan həyata keçirərək dünya tibbində ilkə imza atıb.

Ənənəvi əməliyyatlardan fərqli olaraq, bu müdaxilə zamanı sinə boşluğu açılmır, skalpel və iri cərrahi tikişlərə ehtiyac qalmır. Prosedur yalnız bir qan damarı vasitəsilə həyata keçirilir ki, bu da xəstə üçün həm riskləri minimuma endirir, həm də sağalma müddətini əhəmiyyətli dərəcədə qısaldır.

Yüksək texnologiyanın imkanlarını həkim peşəkarlığı ilə birləşdirən bu yenilik ürək cərrahiyyəsində yeni dövrün başlanğıcıdır. Xüsusilə ağır vəziyyətdə olan, açıq əməliyyata uyğun olmayan xəstələr üçün böyük ümid yaradır.