Azmedinfo.az kollektivi peşəkar həkim-radioloq Asif Nəsirlinin vaxtsız və faciəvi vəfatından dərin kədər hissi keçirdiyini bildirir. Mərhumun ailəsinə, yaxınlarına və bütün tibb ictimaiyyətinə dərin hüznlə başsağlığı veririk.

Asif Nəsirlinin vaxtsız gedişi təkcə yaxınları üçün deyil, həm də illərlə xidmət etdiyi Azərbaycan səhiyyəsi və tibb ailəsi üçün böyük bir itkidir.

 

O, 1999-2005-ci illərdə Azərbaycan Tibb Universitetinin Müalicə-profilaktika fakültəsində ali tibbi təhsil alıb. Peşəkar yoluna Milli Onkologiya Mərkəzində başlayan A.Nəsirli, 2005-2006-cı illərdə internatura, 2006-2008-ci illərdə isə kliniki ordinatura pillələrini uğurla başa vuraraq ixtisaslı kadr kimi formalaşmışdı.

Fədakar həkim 2008-ci ildən etibarən Milli Onkologiya Mərkəzinin Şüa terapiyası şöbəsində və Uşaq klinikasında radiasiya onkoloqu vəzifəsində çalışaraq, yüzlərlə pasiyentin, xüsusilə də azyaşlıların sağalması yolunda əzmlə fəaliyyət göstərib.

Nəcib keyfiyyətləri ilə seçilən Asif həkimin əziz xatirəsi həmkarlarının və xəstələrinin qəlbində daim ehtiramla yaşayacaqdır.

Allah rəhmət eləsin!