Əhaliyə müasir avadanlıqlarla keyfiyyətli hemodializ xidməti göstərilir

27 Fevral 2025

528

Əhaliyə müasir avadanlıqlarla keyfiyyətli hemodializ xidməti göstərilir

Goranboy Rayon Mərkəzi Xəstəxanasının Hemodializ şöbəsində 6 ay ərzində iki mindən çox seans icra edilib.

Azmedinfo.az xəbər verir ki, Goranboy Rayon Mərkəzi Xəstəxanasının Hemodializ şöbəsində son 6 ay ərzində 2 248 seans icra edilib.

Ötən il istifadəyə verilən şöbədə günlük 2 növbə olmaqla, 20 hemodializ seansı aparılır və hər pasiyent üçün seans müddəti 4 saatı əhatə edir.

Şöbədə hazırda 36 nəfər hemodializ müalicəsi alır. Əsasən, Goranboy, Tərtər rayonları və hətta Gəncə şəhərindən də bura müalicə almağa gələn vətəndaşlar var.

Hemodializ şöbəsi əhaliyə daha keyfiyyətli xidmət göstərmək üçün bütün müasir tipli süni böyrək avadanlıqları ilə təchiz olunub.

Şöbədə 2 həkim, 9 tibb bacısı və 3 kiçik tibb işçisi fəaliyyət göstərir.

Qeyd edək ki, hemodializ xroniki və kəskin böyrək çatışmazlığı olan xəstələrdə böyrəklərin fəaliyyətinin pozulması nəticəsində bədəndə toplanan zərərli maddələrin və mayenin xaric edilməsi üsuludur. Hemodializ böyrək köçürülməsi planlanan xəstələrdə əməliyyata qədər alternativ çıxış yoludur.