Ramazan ayı mənəvi və fiziki təmizlənmə dövrü olsa da, bəzi insanlara tibbi səbəblərə görə oruc tutmaq tövsiyə edilmir.

Azmedinfo.az xəbər vberi ki, həkimlərin rəyinə görə,müəyyən xəstəliklər zamanı uzun müddət ac və susuz qalmaq ciddi sağlamlıq riskləri yarada bilər.

- Şəkərli diabet xəstələri – Xüsusilə insulin qəbul edənlər və qanda şəkər səviyyəsi tez-tez dəyişənlər üçün oruc təhlükəli ola bilər. Uzun müddət ac qalmaq hipoglikemiya və ya hiperglikemiya riskini artırır.
- Böyrək xəstəlikləri olanlar – Böyrək çatışmazlığı, daş problemi və dializ xəstələri üçün susuz qalmaq ciddi problemlərə səbəb ola bilər.
- Ürək və təzyiq problemləri yaşayanlar – Hipertoniya, infarkt keçirmiş və ya ciddi ürək xəstəlikləri olanlar üçün oruc riskli ola bilər. Uzun müddət qida və su qəbul etməmək qan təzyiqinin kəskin dəyişməsinə səbəb ola bilər.
- Mədə-bağırsaq problemləri olanlar – Qastrit, xora, reflüks kimi mədə problemləri olan şəxslərdə uzun müddət ac qalmaq xəstəliyin şiddətlənməsinə səbəb ola bilər.
- Dərman qəbul edənlər – Müntəzəm olaraq dərman qəbul etməli olan və ya susuz qalması təhlükəli olan şəxslərin oruc tutmadan əvvəl həkimlə məsləhətləşməsi vacibdir.
- Zəif immun sisteminə sahib olanlar – Xroniki xəstəliklər, xərçəng, infeksiyalar və ya immun sistemi zəifləmiş şəxslər üçün uzun müddət aclıq orqanizmin müdafiə qabiliyyətini azalda bilər.
- Uşaqlar, hamilə və süd verən analar – Uşaqların inkişaf dövrü olduğu üçün uzun müddət ac qalmaq onlar üçün uyğun deyil. Hamilə və süd verən qadınlar üçün isə həm ana, həm də körpənin sağlamlığına təsir göstərə bilər.

Həkimlər tövsiyə edir ki, oruc tutmaq istəyən hər kəs əvvəlcə sağlamlıq vəziyyətini yoxlatmalı və həkimlə məsləhətləşməlidir. Sağlamlığınızı riskə atmadan Ramazan ayının mənəvi dəyərlərini yaşamaq mümkündür.

Mərkəzi Neftçilər Xəstəxanası