Azərbaycanda yaradılması planlaşdırılan Kök Hüceyrə Bankının əhəmiyyəti nədir?

07 Mart 2025

644

Azərbaycanda yaradılması planlaşdırılan Kök Hüceyrə Bankının əhəmiyyəti nədir?

Bu addım sümük iliyi transplantasiyası gözləyən xəstələr üçün yeni ümid olacaq. Ölkədə 2014-cü ildən bu günə qədər 200-dən çox sümük iliyi transplantasiya əməliyyatı həyata keçirilib. Lakin bu əməliyyatlar yalnız uyğun bacı-qardaş donor olduqda mümkün olub. Donoru olmayan xəstələr üçün isə müalicə şansı məhdud qalır.

Azmedinfo.az xəbər verir ki, yeni kök hüceyrə bankı bu problemi aradan qaldırmağa kömək edəcək. Belə ki, donor olmaq istəyən şəxslər sadəcə qanvermə prosedurundan keçərək reyestrə daxil ediləcək. Əgər onların hüceyrələri ehtiyacı olan bir pasiyentə uyğun gələrsə, cəmi 300 ml qan götürülərək transplantasiya üçün istifadə ediləcək. Bu prosedur tam təhlükəsizdir və adi qanvermə prosesi ilə eynidir.

Əlavə olaraq, donor reyestrdə qeydiyyatda olsa da, istənilən vaxt qərarını dəyişib, prosesdə iştirakdan imtina edə bilər.

Kök hüceyrə donoru olmaqla siz ağır xəstəliklərlə mübarizə aparan insanlara yeni bir həyat şansı verə bilərsiniz. Bir damla qanla həyat xilas edə bilərsiniz!