Bugün Ümumdünya Qlaukoma Günüdür! Qlaukoma, görmə sinirinin zədələnməsi ilə nəticələnən bir göz xəstəliyidir və əgər vaxtında müalicə olunmazsa, daimi görmə itkisinə səbəb ola bilər.

Azmedinfo.az qlaukoma barədə bilməli olduğumuz mühüm faktları təqdim edir:

Qlaukoma gözün içindəki təzyiqin artması nəticəsində görmə sinirinə ziyan vurur. Bunun nəticəsində gözünüzdə görmə sahəsinin tədricən daralması və nəticədə görmə itkisi meydana gələ bilər. Əksər hallarda, qlaukomanın ilk mərhələlərində heç bir əlamət hiss edilmir. Buna görə də, çox vaxt xəstəlik gizli şəkildə inkişaf edir və insanlar bu barədə heç bir məlumatı olmur.

Qlaukoma vaxtında müdaxilə olunmasa, insanın görməsini tamamən itirməsinə səbəb ola bilər. Bu xəstəlik, ən çox yaşlı insanlarda müşahidə olunsa da, gənclərdə də rast gəlinə bilər.

Bəs qlaukomanın qarşısını necə ala bilərik?

Gözlərinizi müntəzəm yoxladın

Çox vaxt qlaukoma ilkin mərhələlərində heç bir simptom göstərmir, buna görə göz müayinələri çox önəmlidir. Hər il ən az bir dəfə göz həkiminə müraciət edin.

Həyat tərzinizə diqqət edin

Bütün xəstəliklərdə olduğu kimi, sağlam həyat tərzi qlaukomanın qarşısını almağa kömək edir. Yaxşı qidalanma, fiziki aktivlik və stressin idarə edilməsi göz sağlamlığınız üçün faydalıdır.

Siqareti buraxın

Siqaret çəkənlərdə göz təzyiqi daha yüksək olur və bu da qlaukoma riskini artırır. Siqareti buraxmaq gözlərinizi qorumağın ən yaxşı yollarından biridir.

Günəşdən qorunun

Gözlərinizin UV şüalarından zərər görməməsi üçün günəş eynəyi taxın. Bu sadə addım, gözlərinizin uzunmüddətli sağlamlığı üçün vacibdir.

Sağlam çəkini qoruyun

Çəkilinizin çox olması, xüsusilə də qarın bölgəsində artıq yağların toplanması, qlaukoma riskini artırır. Ideal çəkinizi qorumaq və sağlam pəhrizlə qidalanmaq bu riski azaldır.

Unutmayın! Qlaukoma gözlərinizi qorumaq üçün erkən müdaxiləni tələb edir. Bu xəstəlik heç bir xəbərdarlıq etmədən yaxınlaşa bilər, amma göz müayinələri və sadə həyat tərzi dəyişiklikləri ilə onu nəzarətdə saxlaya bilərsiniz.