“Reproduktiv sağlamlıq və ailə planlaşdırılması” - Maarifləndirici tədbir

14 Mart 2025

570

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM), Ailə, Qadın və Uşaq Problemləri üzrə Dövlət Komitəsinin birgə əməkdaşlığı ilə Azərbaycan Texniki Universitetinin nəzdində Bakı Texniki Kollecdə və Azərbaycan Dövlət Mədəniyyət və İncəsənət Universitetinin nəzdində Humanitar Kollecdə “Reproduktiv sağlamlıq və ailə planlaşdırılması” mövzusunda maarifləndirici tədbirlər keçirilib.

Azmedinfo.az xəbər verir ki, tədbir gənc nəsil arasında sağlam həyat tərzinin təbliği, reproduktiv sağlamlıq davranışlarının formalaşdırılması ilə bağlı maarifləndirilmə məqsədilə təşkil olunub.

İSİM-in Monitorinq və təhlil şöbəsinin müdir müavini Zümrüd Kazımova geniş təqdimatla çıxış edərək, gənclərin həyatında reproduktiv sağlamlıqla bağlı yaşanan problemlərdən, ailə planlaşdırılmasının vacibliyindən, erkən nikahların fəsadlarından bəhs edib.

Ailə, Qadın və Uşaq Problemləri üzrə Dövlət Komitəsinin Ailə problemləri şöbəsinin müdir müavini Kamila Əliyeva çıxış edərək, reproduktiv sağlamlığın əsas amilləri, fərdi gigiyena qaydaları, zərərli vərdişlərin sağlamlığa mənfi təsirləri barədə ətraflı məlumat verib.

Tədbirlərdə həmçinin erkən nikahların fəsadları, irsi yolla ötürülən xəstəliklər barədə ətraflı məlumat verilib, nikahdan öncə aparılan tibbi müayinənin vacibliyi vurğulanıb.

Yekunda iştirakçıları maraqlandıran suallar cavablandırılıb.