Qan və bədən mayeləri ilə təmasın idarə olunması - Təhlükəsizliyin əhəmiyyəti

17 Mart 2025

528

Şəki Rayon Mərkəzi Xəstəxanasının akt zalında “Qan və bədən mayeləri ilə təmas ehtiva edən insidentlərin idarə olunmas” haqqında maarifləndirici təlim baş tutub.

Azmedinfo.az xəbər verir ki, təlim Poliklinika şöbəsinin həkim-infeksionisti, RMX üzrə İPİN həkimi Könül Əsədullayeva və Yoluxucu xəstəliklər şöbəsinin həkim-infeksionisti, Perinatal mərkəz üzrə İPİN həkimi Zərifə İbrahimxəlilova tərəfindən keçirilib və təlimdə tibb bacıları, mamalar və xadimələr iştirak ediblər.

Təlimdə qan və bədən mayeləri ilə təmas ehtiva edən insidentlərin idarə olunması və deşici-kəsici tibbi alətlərlə davranış zamanı infeksion təhlükəsizliyin təmin edilməsi haqqında təlimatın müzakirəsi aparılıb.

Məlumat üçün bildirək ki, İnfeksiyaların profilaktikası və infeksion nəzarət (İPİN) komitələrinin fəaliyyətinin məqsədi hər bir səhiyyə müəssisəsində pasiyentlər, onların müşahidəçiləri, ziyarətçilər və səhiyyə işçiləri arasında səhiyyə xidmətləri ilə əlaqəli infeksiyalara (SXƏİ) yoluxma riskini minimuma endirməkdir.