Alovlanan beş ümid- Halit Çağların fədakarlıq mirası

03 Aprel 2025

524

Alovlanan beş ümid- Halit Çağların fədakarlıq mirası

Türkiyənin Tokat vilayətində yaşayan 54 yaşlı su təsisatçısı Halit Çağlar bir müddət əvvəl beyin qanaması keçirdi. Həkimlərin bütün səylərinə baxmayaraq, onun həyatını xilas etmək mümkün olmadı. Həkimlər onun beyin ölümünü təsdiqlədilər.

Azmedinfo.az orqanı bağışlanan növbəti insanın hekayəsini tədim edir:

Bu ağır anda ailəsi fədakar bir qərar verdi: Halit Çağların orqanlarını ianə etdilər. Onun qaraciyəri, iki böyrəyi və iki buynuz qişası orqan gözləyən xəstələrə nəql edildi. Beləliklə, beş insan yenidən həyata bağlandı.

Halit Çağların həyat yoldaşı Emine Çağlar bu qərarın onlar üçün nə qədər çətin, amma bir o qədər də mənalı olduğunu deyir:

“Sevdiyin insanı itirmək çox ağırdır. Amma həyat yoldaşımın orqanlarının başqa insanlara ümid verməsi bizə təsəlli verir. O, artıq bizimlə olmasa da, beş nəfərə yeni həyat bəxş etdi. Bu, bir insanın daha çox yaşaması, bir ananın övladına sarılması, bir atanın ailəsinə qovuşması deməkdir. İnsanlar orqan bağışlanmasının nə qədər böyük bir mərhəmət olduğunu anlamalıdırlar. Bəlkə də sabah biz və ya yaxınlarımız belə bir ümidə ehtiyac duyarıq. Hər kəs bu barədə düşünməli və tərəddüd etmədən belə bir addım atmalıdır. Çünki bəzən bir insanın həyatı bizim qərarımızdan asılı ola bilər.”