Həyatının memarı sən özünsən - Zərərli vərdişlərə qarşı birgə maarifləndirmə tədbiri

18 Aprel 2025

480

Həyatının memarı sən özünsən - Zərərli vərdişlərə qarşı birgə maarifləndirmə tədbiri

Səhiyyə Nazirliyi, Təhsil Nazirliyi və Ailə, Qadın və Uşaq Problemləri üzrə Dövlət Komitəsinin birgə əməkdaşlığı ilə Bakı şəhəri 193 nömrəli nömrəli məktəbdə “Həyatının memarı sən özünsən” mövzusunda maarifləndirici tədbir təşkil olunub.

Azmedinfo.az xəbər verir ki, Dövlət Komitəsinin əməkdaşı Nailə İbrahimova çıxış edərək, gənc nəsli sağlam həyat tərzi seçməyə, zərərli vərdişlərdən uzaq olmağa çağırıb.

Səhiyyə Nazirliyi İctimai Səhiyyə və İslahatlar Mərkəzinin (İSİM) Layihələrin əlaqələndirilməsi şöbəsinin müdir müavini Ülkər Camalova “Zərərli vərdişlər və narkomaniya ilə mübarizə” adlı geniş təqdimatla çıxış edərək, iştirakçılara zərərli vərdişlərin fəsadları barədə ətraflı məlumat verib. Gənc nəslə zərərli vərdişlərdən uzaq olmaq, sağlam həyat tərzi seçmək, hər gün fiziki aktivliyə vaxt ayrırmaq tövsiyə olunub.

Yekunda iştirakçıları maraqlandıran suallar cavablandırılıb və onlara İSİM tərəfindən hazırlanaraq çap edilən maarifləndirici materiallar təqdim edilib.