Bakıda beynəlxalq neyrocərrahlar konqresi -15 ölkədən 300-dən çox mütəxəssis bir arada

13 May 2025

540

Bakıda beynəlxalq neyrocərrahlar konqresi -15 ölkədən 300-dən çox mütəxəssis bir arada

Bakıda ANEA 2025 BAKU - Azərbaycan Neyrocərrahlarının I Beynəlxalq Konqresi keçirilib.

Azmedinfo.az xəbər verir ki, konqresin əsas məqsədi neyrocərrahiyyə sahəsində beynəlxalq standartlara uyğun müalicə metodlarını müzakirə etmək, innovativ texnologiyaları tətbiq etmək və Azərbaycanda bu sahənin inkişafına töhfə verməkdir.

Konqresdə Azərbaycan Azərbaycan Neyrocərrahlar Assosiasiyasının (ANEA) sədri Rövşən Xəlilzadə, TƏBİB-in İcraçı direktorunun müşaviri Pərvin Əkbərov, İcbari Tibbi Sığorta üzrə Dövlət Agentliyinin İdarə Heyəti sədrinin müşaviri Nelli Veysova, konqresin Təşkilat komitəsinin sədri Tural Rəhimli və Böyük Britaniyadan gəlmiş fəxri qonaqlar - həkim Andreas Demetriadis və Henri Marş çıxış ediblər.

Panel iclasları ilə işini davam etdirən konqresdə “Kəllə əsası cərrahiyyəsi”, “Epilepsiya cərrahiyyəsi”, “Pediatrik neyrocərrahiyyə”, “Funksional cərrahiyyə”, "Vaskulyar neyrocərrahiyyə", "Neyroonkologiya", "Neyroanatomiya" və "Spinal neyrocərrahiyyə" mövzularında müzakirələr aparılıb.

Qeyd edək ki, tədbirdə Azərbaycanla yanaşı, 15 ölkədən - Türkiyə, Yunanıstan, Argentina, Braziliya, İtaliya, İngiltərə, ABŞ, Özbəkistan, Qazaxıstan, Albaniya, Rusiya, Serbiya, Avstriya, Gürcüstan və Çilidən ümumilikdə 300-dən çox mütəxəssis iştirak edib.

TƏBİB