Körpələrin sağlam inkişafında ana südünün əhəmiyyətini vurğulayan mütəxəssislər, müxtəlif anaların südündən qaynaqlanan xəstəlik riski ilə bağlı valideynlərə diqqətli olmağa çağırırlar.

Azmedinfo.az xəbər verir ki, UNICEF tərəfindən hər il nəşr olunan "Ana südü ilə qidalanma qlobal reytinqi" üzrə illik qiymətləndirmə kartına əsasən, BMT-nin "2030-cu ilədək Dayanıqlı İnkişaf Məqsədləri" arasında ana südü ilə qidalanma mühüm yer tutur.

Mütəxəssislərin qənaətincə, körpələr üçün "ilk peyvənd" olan ana südü hər il 500 mindən çox ana və uşaq ölümünün qarşısını alır.

UNICEF-in məlumatlarına görə, hazırda dünyada 6 aydan kiçik körpələrin 48 faizi ana südü ilə qidalanır və hökumətlər ana südü ilə qidalanmanın artırılması üçün bir çox siyasət həyata keçirir.

Əlbəttə, körpələr üçün ən üstün olan öz analarının südü ilə qidalanmalarıdır. Bununla belə, ana südü olmadığı halda, ələlxüsus çəkisi 1 kilo 500 qramdan az olan körpələrin donor ana südü ilə qidalanması ilə bağlı tövsiyələr var. Mütəxəssislər ana südünün peşəkar mənbələrdən, yəni ana südü bankından alınmasını məqsədəuyğun hesab edirlər.

Çünki süd anası müəyyən hər hansı infeksiyaya yoluxub-yoluxmaması yoxlanılmayıbsa, qəbul etdiyi dərmanlar və sağlamlıq vəziyyəti qiymətləndirilməyibsə, körpə üçün onun südündən istifadə faydadan çox zərər verə bilər.

Körpə ana südü ilə qidalanarkən süd axını yalnız anadan uşağa doğru deyil, eyni zamanda bir az geriyə doğru axın edir. Məsələn, uşağın boğaz infeksiyası və ya hər hansı bir bakterial infeksiyası var və bu infeksiyanın mənbəyi təbii ki, uşağın boğazında və ağzındadır. Bu yoluxucu elementlər ana tərəfdən ana südü ifraz edən hüceyrələrə qayıdır və burada immunitet reaksiyası baş verir. Bu reaksiya müəyyən edildikdən sonra, bu immun elementləri ehtiva edən süd uşağa geri ötürülür və həmin uşaq üçün bu xəstəliyin öhdəsindən gəlmək üçün faydalı ola bilər.

Ancaq süd anası tərəfindən təmin edilən nəzarətsiz süd xüsusilə vaxtından əvvəl doğulan körpələrdə infeksiyanın ötürülməsi baxımından problemlər yarada bilər.