Körpələrin ana döşündən imtina etməsi adətən müvəqqəti bir problem olsa da, anaları narahat edən bir vəziyyətdir.

Azmedinfo.az xəbər verir ki, Dr. Şirin Seçkinin sözlərinə görə, uşaqalar adətən ana döşündən imtina edrisə, körpə sizə nəyinsə düz olmadığını söyləməyə çalışır.

Körpələr birdən bir neçə gün əmmək istəmirlər, sanki sinə ilə döyüşməyə başlayırlar. Qısacası, körpə bu müddəti 2-5 gün keçirir, bəzi körpələrdə ilk aydan sonra çox nadir hallarda rast gəlinir, adətən, müvəqqəti olur.

Əsas səbəbi nədir?

Körpələrin ana südündən imtina etməsinin bir neçə səbəbi ola bilər. Bunlar fizioloji, psixoloji və ya ətraf mühitlə bağlı amillər ola bilər. Əsas səbəblərə aşağıdakılar daxildir:

Fizioloji Səbəblər:
Doğru əmmə texnikasının olmaması. Körpə düzgün şəkildə əmə bilmədikdə, döşü qəbul etməyə bilər.

Burun tutulması və ya tənəffüs problemləri. Körpənin burnu tutulubsa, nəfəs almaqda çətinlik çəkə bilər və buna görə də döşdən imtina edə bilər.

Dilaltı bağı qısa olması (ankyloglossia). Dil hərəkətliliyinin məhdud olması əmmə qabiliyyətinə təsir edə bilər.

Reflüks və ya qaz problemi. Mədə-bağırsaq problemləri, qida borusunda yanma hissi yarada bilər və körpə ana südü qəbul etməkdən imtina edə bilər.

Psixoloji və emosional səbəblər:
Stress və ya gərginlik. Ananın və ya ətraf mühitin gərgin olması körpəyə təsir edə bilər.

Ananın süd qoxusunun və ya dadının dəyişməsi. Ananın yediyi qidalar, dərmanlar və ya hormonal dəyişikliklər südün dadını və qoxusunu dəyişə bilər.

Anaya qarşı diqqətin azalması. Körpə ana ilə emosional bağın zəiflədiyini hiss etdikdə döşdən imtina edə bilər.

Digər səbəblər süd axınının çox yavaş və ya çox sürətli olması, erkən süni qidalara keçid və s. ola bilər.

Əgər körpə ana südündən imtina edirsə, səbəbini müəyyən etmək üçün pediatr və ya laktasiya məsləhətçisi ilə məsləhətləşmək faydalı ola bilər.