26 aprel 2025-ci ildə qədim Şəki şəhərində pediatriya sahəsinin ən aktual problemlərinə həsr olunmuş möhtəşəm elmi konfrans baş tutacaq.

Azmedinfo.az xəbər verir ki, Azərbaycan Respublikası Səhiyyə Nazirliyi, TƏBİB və İcbari Tibbi Sığorta üzrə Dövlət Agentliyinin dəstəyi, Azərbaycan Pediatrlar Assosiasiyasının təşəbbüsü və LasoMedGroup-un texniki dəstəyi ilə təşkil olunan bu konfrans “Milli Pediatriya Akademiyası – 95 il Yubiley Layihəsi” çərçivəsində keçirilir.

Konfrans təkcə elmi müzakirələr meydanı deyil, həm də pediatriya sahəsində yeniliklərin, müasir müalicə metodlarının və qabaqcıl praktiki təcrübələrin paylaşılacağı unikal platformadır.

Azərbaycan Respublikası Səhiyyə Nazirliyi tərəfindən akkreditasiya ediləcək tədbirdə ölkənin və beynəlxalq səviyyədə tanınmış pediatrları, tibb mütəxəssisləri çıxış edəcək.

Pediatriya sahəsində biliklərini dərinləşdirmək, peşəkar şəbəkənizi genişləndirmək və tibbin ən son yeniliklərindən xəbərdar olmaq istəyirsinizsə, bu fürsəti qaçırmayın!

Ətraflı məlumat və qeydiyyat üçün: 070 352 00 13 / 070 952 00 13